Муҳаммад ибн Салмон 1985 йилнинг 31 августида дунёга келган. Ҳозирда тахт вориси. У қирол Салмоннинг ўғли бўлиб, отаси қиролга айлангач, унинг ўрнига мамлакат Мудофаа вазирига айланган. У шунингдек, қиролликнинг бош вазири ўринбосари, қироллик суди бошлиғи ҳамдир. Яна қиролликнинг ташқи сиёсатида ҳам фаол иштирок этади, бир қатор давлатларга ташриф билан бориб келди.
2017 йилнинг 4 ноябридан эса, янги ташкил этилган Коррупцияга қарши қўмитага раҳбар бўлди. Биринчи куниёқ ўзининг тахт учун эҳтимолий рақибларини йўлдан олишга киришди – 5 ноябрга ўтар кечаси коррупцияда айбланиб 11 шаҳзода ва йирик амалдорлар ҳамда вазирлар ҳибс қилинди.
2017 йил 6-декабрда Тиме журнали Муҳаммад бин Салмон Ал Саудни «Йил одами» деб эълон қилган.
2018 йил май ойида Форбес журнали шаҳзода Муҳаммад бин Салмон Ал Саудни дунёнинг энг нуфузли одамлари рейтингининг саккизинчи қаторига қўйди.
Шаҳзоданинг халқаро майдонда тутган обрўсига жиддий зарба журналист Жамол Қошиқчи ўлими билан боғлиқ машмашалар бўлди.
New York Times газетасининг Америка разведкасидаги манбаларига кўра, шаҳзода ўз сиёсатини танқид қилган саудиялик журналист Жамол Қочиқчини ҳибсга олиш тўғрисида буйруқ берган. Қошиқчи 2018 йил 2 октябрь куни Саудиянинг Истанбул шаҳридаги консуллигида ўлдирилади. Разведка манбалари шаҳзоданинг бунга алоқадорлигини тан олдилар, аммо Саудия Арабистони вакили Реутерс агентлигига шаҳзода журналистнинг ўлимига олиб келган операциядан бехабарлигини маълум қилган. Шаҳзода дастлаб Хашогги консулликни тарк этганлигини айтган, аммо 18 кундан кейин Саудия Арабистони бинода журналистнинг ўлганини тан олди.
Кейинроқ, Муҳаммад ибн Салмон қотилликка алоқаси йўқлигини, аммо ҳукумат бошлиғи сифатида бутун масъулиятни ўз зиммасига олишини маълум қилган.
Муҳаммад бин Салмон оилали, Малика Сара бинт Машҳур ибн Абдалазиз Ал Саудга уйланган.
Uzbek