26 июль шанба куни Россиянинг шарқий ҳудудида жойлашган Хабаровск шаҳрида минглаб одамлар ҳукуматга қарши намойиш қилиш учун кўчага чиқдилар. Бундай намойишлар ўтган икки шанбада ҳам юз берганди.
Аҳоли Хабаровск вилоятининг олдинги ҳокими Сергей Фургал қамалиб, бу ерга янги ҳоким тайинлаганидан норози бўлмоқда. Фургал қотилликларни уюштиришда айбланмқода, аммо унинг ўзи буни рад этган.
Фургалнинг тарафдорлари унинг ҳибсга олинишидан сиёсий мақсадлар кўзланганини айтишмоқда. Уч ҳафтадан бери шанба куни уюштирилиётган бу намойишлар ўзи шундоқ ҳам CОVID-19 даврида иқтисодий муаммоларга дуч келётган рус ҳукуматига бош оғриғи бўлмоқда.
Намойишлардан олинган лавҳаларда одамларнинг “Шармандалик!” деб бақираётганларини ва Путиннинг истеъфосини талаб қилаётганларини кўриш мумкин. Хабаровск ҳукумати намойишларда 6500 минг атрофида одам қатнашгани ҳақида айтган бўлса, маҳаллий ОАВ бу сонни 20 000 дан зиёд эканини таъкидлаган.
Ҳибсдаги ҳоким ва Либерал Демократик Партия аъзоси бўлган Фургални қўллаб-қувватловчиларнинг сўзларига кўра, сайловларда Путиннинг ҳукмрон партияси “Единая Россия”дан бўлган рақобатчисини мағлуб этгани учун Фургалга “кечиктирилган жазо” берилмоқда. Кремль Фургалга жиддий айбловлар қўймоқда.
Путин бу намойишларни бостириш учун душанба куни Хабаровскка Михаил Дегтярёвни янги раҳбар этиб тайинлади. Аммо, намойишчилар Дегтярёвнинг бу ҳудудга ҳеч қандай алоқаси йўқлиги учун уни ҳоким бўлишини танқид қилдилар ва ундан ҳам истеъфо беришини талаб қилдилар.
Uzbek