Ўтган ҳафтада АҚШнинг янги президенти Жо Байден Россия билан қуролланиш бўйича тузилган шартнома муддатини узайтирмоқчи эканини маълум қилганди. Ушбу шартнома “Янги СТАРТ” деб номланиб, унинг муддати февраль ойида тугаши керак эди.
27 январь чоршанба куни Россия парламентининг қуйи палатаси АҚШ билан келаси ҳафта якунланадиган асосий ядровий битим “Янги СТАРТ”ни беш йилга узайтириш тўғрисидаги битимни ратификация қилишга бир овоздан маъқуллади.
Қуйи палатадаги 399 нафар депутатнинг барчаси мазкур келишувни узайтиришни ёқлаб овоз берди, ҳеч қайси депутат унга қарши овоз бермаган ёки бетараф қолмаган.
Россия президенти Владимир Путин ва АҚШнинг янги президенти Жо Байден сешанба куни кечқурун илк бор телефон орқали суҳбат қилдилар. Депутатлар шундан кейин қуролланиш бўйича шартномани маъқуллашди.
Uzbek