Скотланд-Ярд, Солсберидаги гумон қилинганлар билан боғлиқ янги видео ёзувларни эълон қилди

0
1880

Британия полицияси Солсберидаги тасвирга олинган янги видеоларни жойлаштирди. Унда икки нафар эркак кишининг ҳар- ҳил кўчалар юргани тасвирланган. Бу хақда РБК хабар қилмоқда.

Скотланд-Ярд ўзининг веб-сайтида Солсберида Сергей ва Юлия Скрипалнинг заҳарланиш ҳолатлари бўйича тергов билан боғлиқ учта видеони эълон қилди. Уларда ташқи кўринишидан Александр Петров ва Руслан Бошировга ўхшаб кетадиган икки эркакни кўриши мумкин.

Биринчи видеода эркаклар Солсберидаги вокзал станциясининг турникетидан ўтаётганлиги тасвирланган. Иккинчисида, уларнинг Уилтон кўчаси бўйлаб, учинчисида – Фишертон кўчасида кетаётганлари тасвирланади. Скотланд-Ярд томонидан тайёрланган матбуот-релизида видеонинг 4 март куни, РББ (ГРУ)нинг собиқ полковники заҳарланган куни қилинганлиги айтилади.

Скотланд-Ярд шунингдек, «Новичок» токсик моддасини ўз ичига олган шишанинг фотосуратларини чоп этди.

Британия полицияси яна бир бор барчага 2-4 март кунлари гумон қилинувчиларни мамлакатда ким кўрган бўлса, маълумот беришни сўради.

Сентябрь ойида Британия полицияси ГРУ собиқ полковниги Сергей Скрипаль ва унинг қизи Юлия заҳарланган асосий гумондорлар, Россия разведка хизмати зобитлари Александр Петров ва Руслан Боширов экалиги хақида эълон қилди. Россия Президенти Владимир Путин улар фуқаро шахслар эканликларини таъкидлаган эди.

Октярбда The Insider ва Bellingcat, Боширов исми остида Россия Қаҳрамони, полковник Анатолий Чепига ва Петров исми остида, Россия Қаҳрамони, ҳарбий врач Александр Мишкин яшириниб юргани хақида хабар берган эди.

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг