АҚШ Мудофаа вазирлигининг таъкидлашича, шанба куни Россия Шимолий Муз океанининг қутбли минтақаси ва Баренц денгизидан иккита сув ости кемасидан Синева ва Булава баллистик ракеталарини жанговар тайёргарлик доирасида синовдан ўтказди.
Вазирлик маълумотларига кўра, Синева қитъалараро суюқ ёнилғи ракетаси Тула сув ости кемасидан, Булава қаттиқ ёнилғи ракетаси эса Юрий Долгорукий сув ости кемасидан учирилган.
Вазирлик маълумотларига кўра, улар шимолий Архангелск вилояти ва Россиянинг Узоқ Шарқидаги Камчатка яриморолидаги полигонларга зарбалар беришган.
«Ракеталарни учириш пайтида сув ости баллистик ракеталарининг техник хусусиятлари ва барча кема ракета тизимларининг самарадорлиги тасдиқланди», дейилади хабарда.
Эслатиб ўтамиз, 8 август куни Ненокса қишлоғидаги ҳарбий қисмда ракета синови пайтида портлаш ва ёнғин содир бўлган эди. Натижада Росатом компаниясининг бешта ходими ҳалок бўлган.
Uzbek