Россия Президенти Владимир Путин украиналик ҳамкасби Владимир Зеленский билан исталган вақтда Москвада учрашиб, икки томонлама муносабатларни муҳокама қилишга тайёрлигини билдирди.
«Aгар биз икки томонлама алоқаларни ривожлантириш ҳақида гапирадиган бўлсак, биз Украина президентини Москвада у учун қулай бўлган ҳар қандай вақтда қабул қиламиз», деди Путин пайшанба куни Россия-Беларус саммити давомида журналистларнинг сўровига жавобан.
Путин таъкидлаганидек, агар Зеленский Донбасс муаммоларини муҳокама қилмоқчи бўлса, унда, авваламбор, ЛПР ва ДПР раҳбарлари билан учрашиши керак «ва шундан кейингина ушбу муаммоларни учинчи давлат вакиллари билан муҳокама қилши мумкинлигини айтган.
Путиннинг таъкидлашича, Украинанинг амалдаги раҳбарияти сўнгги пайтларда Россия-Украина муносабатларини бузадиган кўплаб қадамларни ташлаган. «Бу тўғридан-тўғри икки томонлама муносабатларнинг бир қатор муаммоларига тегишли. Бу рус православ черковига бўлган муносабат, уни йўқ қилишга уринишлар. Бу рус тилига ва Украинанинг русийзабон фуқароларига ва Украинада яшовчи рус фуқароларига нисбатан муносабат, » деб айтди.
20 апрель, сешанба куни Зеленский Путинни «уруш давом этаётган Украина Донбассининг исталган жойида» учрашишга таклиф қилган эди.
Uzbek