Таиландлик шифокорлар анъанавий антивирус препаратлари билан ОИВ учун мўлжалланган дориларни аралаштириб, янги коронавирусга қарши курашда сезиларли натижаларга эришганликларини даъво қилишмоқда, дея хабар беради Бангкокдаги Reuters мухбири.
Шифокорларнинг сўзларига кўра, бундай коктейлни қабул қилгандан сўнг, ҳатто оғир аҳволдаги беморларда ҳам ҳолати 48 соат ичида яхшиланар экан.
Ушбу усул Бангкокдаги касалхоналардан бирида синовдан ўтказилди. У ерда бир неча бемор тезда тузалиш жараёнига чиқишган ва улар орасида Ухандан келган 70 ёшли хитойлик аёл ҳам бўлиб, ўн кун давомида кетма-кет равишда ўтказилган таҳлиллар унинг организмида вирус борлигини ва аҳволи оғир эканлигини кўрсатган.
Тўғри, беморлардан яна бирида аллергик реакцияни кўрсатган, аммо шифокорларнинг фикрига кўра, бу аҳамиятсиз ва умуман эса унинг аҳволи яхшиланмоқда экан.
Формулага антивирусли осельтамивиранинг катта дозаси билан биргаликда, лопинавир ва ритонавир каби ОИВ терапияси учун дорилар киради.
Ушбу компанентларнинг қисмларини коронавирусни даволаш учун қўллаш ғояси янги эмас. Ўтган ҳафта Россия Соғлиқни сақлаш вазирлиги лопинавир ва ритонавирга мурожаат қилишни таклиф қилган эди, фақат бошқа иккита дорилар билан биргаликда.
Бироқ, Россиянинг RNC Pharma таҳлилий компанияси мутахассислари ушбу таклифга шубҳа билан қарашди ва таклиф қилинган компанентлар қисмларининг ҳар бири кўплаб қарши таъсирга эга эканлигини таъкидладилар.
Таиландлик шифокорлар эса, ўзлари тарафдан, асос сифатида нисбатан ишонч ҳосил қилинган осельтамивир дорисини қабул қилишган.
«Биз халқаро миқёсда қабул қилинган амалиётга риоя қилдик, аммо бизнинг шифокорларимиз шунчаки битта дорининг дозасини ошириб юборишди», – дея тушунтиради Таиланд тиббий хизмат кўрсатиш бўлими бош директори Сомсак Аккслим.
Таиландлик шифокорларнинг сўзларига кўра, уларнинг хитойлик ҳамкасблари аллақачон даволашнинг ушбу янги усулини қўллашни бошлаб юборишган.
Бангкок касалхонасининг пулмонологи Криангска Атипорнваничнинг айтишича: «Прогноз яхши, аммо бу коронавирусга қарши воситани аниқ кўриб чиқиш учун кенг қамровли тадқиқотлар талаб этилади».
Таиландда 19 та коронавирусни юқтириш холати қайд этилди. Саккиз нафар бемор тўлиқ соғайиб, шифохонадан жавоб бериб юборилди, 11 киши тиббий назоратда остида қолмоқда.
Сомсак Аккслим нинг сўзларига кўра, душанба куни мамлакат Соғлиқни сақлаш вазирлиги 70 ёшли беморни муваффақиятли даволанганлигини муҳокама қилиш учун йиғилиш ўтказади, аммо даволанишнинг янги усули барча ҳолатларга тегишли деб айтиш учун ҳали эрта.
«Ҳозирча биз бу усул билан фақат энг оғир беморларни даволаймиз», деди Аккслим.
Uzbek