Чоршанба куни Россия президенти Владимир Путин Арманистон Бош Вазири Никол Пашиняннинг Тоғли Қорабог бўйича тинчлик битимини имзолашга рози бўлиб, «жасорат» кўрсатганини олқишлади. Арманлар ва озарлар ўртасида олти ҳафта давом этган уруш 9 ноябрь кунги битим билан ўз ниҳоясига етганди. Унга кўра, Арманистон Тоғли Қорабоғдаги 7 та туманни Озарбайжон тасарруфига ўтказилишига рози бўлди. Озарбайжон ушбу еттита туманнинг тўрттасини уруш давомида қўлга киритган бўлса, қолган учта туман икки давлат ўртасидаги шартномадан кейин Озарбайжонга берилди. Ушбу битимга рози бўлган Пашинян ўз халқининг жиддий танқидларига дуч келмоқда. Тинчлик битими имзоланганидан бери арманистонликлар Пашинянни “хоин” деб атаб, мунтазам равишда намойишлар уюштиршмоқда ва Пашиняннинг истеъфосини талаб қилишмоқда. Пашинян Озарбайжон билан тинчлик шартномаси Арманистондаги ягона варианти эканлигини ва бу Қорабоғни сақлаб қолишни таъминлаганини айтган. Путин Пашиняннинг можарони тугатиш бўйича қарорини зарурий бўлганини, шу билан бирга «оғриқли» эканини таъкидлади.
«Ушбу иш учун Бош Вазирдан жуда кўп шахсий жасорат талаб қилинди. Бизнинг эндиги вазифамиз ҳам Бош Вазирни, ҳам унинг жамоасини қўллаб-қувватлашдир» дейди Владимир Путин бўлиб ўтган видеоконференсияда.
Uzbek