Покистон бош вазири Имрон Хон чоршанба куни Мустақиллик кунини нишонлаш нутқидан фойдаланиб, Ҳиндистонни узоқ вақтдан бери ядровий қуролга эга қўшнилар ўртасидаги мунозарали Кашмир минтақасидаги ҳаракатлари учун танқид қилди.
Исломобод икки томонлама савдони ва Ҳиндистон билан барча жамоат транспорти алоқаларини тўхтатди. Деҳли эса Исломободдаги элчисини чақириб олди.
«Мустақиллик куни катта бахтни нишонлаш фурсатидир, аммо бугун бизни ҳиндларнинг зулми қурбони бўлган Жамму ва Кашмирдаги ака-укаларимизнинг аҳволи жуда ранжитмоқда», деди Хон ўз баёнотида.
«Кашмирлик биродарларимизни ишонтириб айтаманки, биз улар билан биргамиз», деди у.
Ҳиндистон аҳолиси кўп бўлган Кашмир водийси ва Жамму шаҳри атрофидаги минтақани бошқаради, Покистон эса ғарбда Азад Кашмир деб номланувчи ҳудудни назорат қилади. Хитой шимолда жуда оз сонли аҳоли яшайдиган баланд жойларни эгаллаган.
Ҳиндистоннинг Жамму ва Кашмир учун махсус мақомини бекор қилиши штатнинг ўз қонунларини ишлаб чиқиш ҳуқуқини тўсиб қўяди ва у ерда яшовчиларга мулк сотиб олишга имкон беради.
Ҳиндистон Бош вазири Нарендра Моди ҳукумати Кашмир ташқарисидаги одамларга мулк сотиб олишни, у ерга жойлашишни ва давлат иш жойларини олишни тақиқловчи эски қонунлар унинг ривожланишига тўсқинлик қилишини айтган.
Покистонда ҳам, Ҳиндистонда ҳам Мустақиллик кунини нишонлашда ва жума намозларида хавфсизлик кучайтирилган.
Кейинчалик, Хон штат парламентига чиқиши учун Азад Кашмир пойтахти Музаффарободга бориши кутилмоқда.
Uzbek