Ўзининг ўгай синглисини ўлдирган ва шундан кейин масжидга ҳужум қилган норвегиялик Филип Маншаус 11 июнь куни бўлиб ўтган судда айбдор деб топилди ва 21 йиллик қамоқ жазосига ҳукм қилинди. Норвегия қонунларига кўра 21 йил энг узоқ муддатли озодликдан маҳрум этиш жазоси ҳисобланади.
Ушбу суд мажлисида прокурорлик қилган Жоҳан Овербергнинг айтишича, Манҳаус ўзининг катта зарар етказмаганини айтган бўлсада, унинг “жуда хавфли шахс эканлиги исботланган”. Прокурор Маншаусга энг оғир жазо берилишини талаб қилган.
22 ёшли Маншаус ўтган йили Осло яқинидаги Бареум деган жойдаги уйларида ўзининг 17 ёшли ўгай синглисини тўппонча билан отиб ўлдирган.Кейин у уйи яқинидаги масжидга борган. У ерда 3 киши Ийд Ал-Адҳа байрамига тайёргарлик кўраётган эди.Маншаус масжиднинг ойнали эшигига тўрт марта ўқ узган. Шундан сўнг масжиддаги кишилардан бири Маншуасни қуролсизлантиришга муваффақ бўлган.
Маншаус судда ўз қилмишларига иқрор бўлган, аммо у ўзининг бу ҳатти-ҳаракатларини “ноиложликдан”лигини таъкидлаган.