Россиянинг Буюк Британиядаги элчиси Александр Яковенко «элчихонанинг камида ярми қайта тикланади» дея қайд этиб ўтди.
Россия ва Буюк Британия 2019 йил январидан бошлаб дипломатик ваколатхоналар сонини босқичма-босқич тиклаш бўйича келишувга эришди. Россия Федерациясининг Қиролликдаги элчиси Александр Яковенко буни «Россия-24» телеканалида эълон қилди, дея хабар бермоқда ТАСС..
«Биз тахминан январь ойида, Москвада ва Лондонда дипломатик шахсий таркибни қайта тиклаш ҳақида келишувга эришдик», деди у, «мен буни барча ходимлар учун амал қилишига тўлиқ амин эмасман, лекин ҳеч бўлмаганда элчихонанинг камида ярми тикланади», дея қўшимча қилди дипломат.
Яковенко дипломатик миссияларни тиклашни икки давлатнинг ўзаро муносабатларида ижобий қадам деб баҳолади.
Москва билан Лондон ўртасидаги муносабатлар, Россияда жосусликда айбланган Сергей Скрипал ва унинг қизи Юлиянинг 4 март куни Солсберида заҳарланиши билан боғлиқ инцидентдан сўнг, кескин ёмонлашди. Британияликларнинг фикрига кўра, улар Россияда ишлаб чиқарилган асабни ўлдирувчи модда билан заҳарланган бўлиб, бунинг асосида Москвани ҳодисага алоқадорликда айблаган. Россия томони бу борадаги иддаоларни қатъий рад этиб, СССР ёки Россия Федерациясида бундай моддаларни ишлаб чиқиш учун ҳеч қандай дастур йўқлигини таъкидлаган эди.
Москванинг таъкидлашича ҳеч бир далилларсиз, Лондон 23 нафар рус дипломатини мамлакатдан чиқариб ташлаган ва бошқа русларга қарши чоралар эълон қилган эди. Шундан кейин, Москва ҳам бунга жавобан, Буюк Британиянинг Санкт-Петербургдаги Бош консулхонасини ёпиш ва Россия Федерациясидаги Британия Кенгашининг фаолиятини тугатиш тўғрисида буйруқ берган.
Uzbek