Россия ОПEК+ битимининг узилиши сабабли кунига 100 миллиондан 150 миллион долларгача йўқотади, дея маълум қилди The Bell нашрига ЛУКОЙЛ компаниясининг эгаларидан бири Леонид Федун.
Федуннинг сўзларига кўра, Россия экспорти ҳажми кунига 5 миллион баррелга тенг бўлган бир пайтда, бундай йўқотишлар нефть нархининг кутилгандан бир баррел учун 60 дан 40 долларгача пасайишига олиб келади. ЛУКОЙЛ эгасининг таъкидлашича, Россия компаниялари ишлаб чиқаришни кўпайтириш истагини билдиришган. Бундан ташқари, унинг сўзларига кўра, 2-3 фоиз ўсиш, келажакдаги йўқотишларни қоплай олмайди.
«Бу жуда кутилмаган, юмшоқ қилиб айтганда, бемаъни қарор», – деди битим узилишини шарҳлаб ўтган Федун.
Аввалроқ, ОПEКга аъзо давлатлар ва картелга аъзо бўлмаган давлатлар, шу жумладан Россия, Қозоғистон ва Озарбайжон (ОПEК +) вазирлари 2016 йил охиридан бери биринчи марта ишлаб чиқаришни қисқартириш бўйича битим шартлари юзасидан келиша олмаганлари маълум бўлди. Шундай қилиб, у 2020 йил 1 апрелдан ўз фаолиятини тўхтатади.
Россия Энергетика вазири Александр Новакнинг таъкидлашича, ОПEК + иштирокчилари низом доирасида ўзаро ҳамкорликни давом эттириш тўғрисида ҳужжатни имзоладилар, аммо апрель ойидан бошлаб ҳеч ким нефть қазиб олиш ҳажмини камайтириш мажбуриятини олмайди. Унинг сўзларига кўра, келишувдан чиқиш Россияга ишлаб чиқаришни кунига 0,3 миллион баррелга оширишга имкон беради, аммо ҳозирча бу режалар компаниялар билан муҳокама қилинмаган.
Uzbek