«Кетинглар! Бизга АҚШ қўшинлари керак эмас!»

0
1777
Фото: The National

Жума куни Жанубий Кореяда талабалар намойиш уюштиришди. Улар мамлакатда АҚШ қўшинларининг кириб келишига қарши чиқишган бўлиб, АҚШ элчисининг Сеулдаги уйига бостириб кирмоқчи бўлишди. Полиция 19 талабани ҳибсга олгани хабар берилмоқда.

Ўзини илғор университет талабалари коалицияси, деб таништирган гуруҳ Facebook’даги аккаунтида воқеага оид фотосуратларни жойлаштирди. Унда бир неча гуруҳ аъзолари элчи Гарри Харриснинг уйи атрофидаги деворга нарвонлар орқали чиқиб кетаётгани акс этган. Улар милиционерлар томонидан ҳибсга олинишларидан олдин: «Бизнинг ички ишимизга аралашманглар»,  деб бақиришди,  сўнгра «Кетинглар! Бизга АҚШ қўшинлари керак эмас!» каби шиорлар янгради.

Бу АҚШ элчисининг турар жой биносига 14 ой ичида ноқонуний бостириб кирилишининг иккинчи ҳолати. «Биз элчининг турар жой биносига ноқонуний равишда ҳужум қилинганидан жиддий ташвишдамиз ва Корея ҳукуматини барча дипломатик ваколатхоналар ва турар-жойларни ҳимоя қилишга чақирамиз», деди АҚШ элчихонаси вакили Вилям Колман.

Жанубий Корея Ташқи ишлар вазирлиги АҚШ элчихонаси ва элчининг қароргоҳи хавфсизлигини кучайтирилишини маълум қилди.

манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг