АҚШнинг сайланган президенти Жо Байден асли араб бўлган яна бир шахсни ўз ҳукуматининг муҳим лавозимларидан бирига тайинлади.
Байден 4 январь куни Дана Шубатни юридик масалалар бўйича катта маслаҳатчи этиб тайинлади. Шубат бунгача Колорадо штати сенатори Майкл Беннетнинг қонун чиқариш бўйича ёрдамчиси сифатида фаолият олиб бораётган эди. Унинг ота-онаси Америкага Иорданиядан кўчиб келишган.
Жо Байден ноябрь ойида Оқ уйнинг қонун чиқарувчи идораси директори ўринбосари этиб Рима Додинни тайинлаганди. Додиннинг асли келиб чиқиш Фаластинга бориб тақалади.
Байден янги тайинловлардан кейин шундай деди:
“Вице-президент Камала Харрис ва мен Америка халқига ўхшаш ҳукумат қуришга интилмоқдамиз. Турли хил миллатга мансуб жамоани яратиш халқимиз олдида турган фавқулодда инқирозни бартараф этиш учун янада яхши натижаларга ва янада самарали ечимларга олиб келади” дейди Байден.
Байден Шубат ҳақида ҳам фикр билдирган:
“Шубат иорданиялик муҳожирларнинг қизи. У биринчи америкалик авлод. Шубат Калифорнияда туғилган ва Колорадода катта бўлган. У Колорадо Университетининг битирувчисидир.”
Байден 2020 йилнинг август ойида араб миллатига мансуб америкаликлар билан мисли кўрилмаган ва кенг қамровли “Ҳамкорлик режаси”ни эълон қилганди. У ўзининг тарихий баёнотида америкалик арабларни “миллатимиз учун муҳим” деб атаган.
Uzbek