Жанубий Кореялик шифокорлар COVID-19 вируси қачон одам организмида оғир шаклда кечиши борасида ўтказган тадқиқотлар натижаларини эълон қилдилар.
Тиббиёт мутахассислари ва эпидемиологлар олиб борган мазкур тадқиқот натижалари ўтган йилнинг охирида Хитойда пайдо бўлган ва дунё миқёсида 400000 дан ортиқ одамнинг ўлимига олиб келган янги турдаги коронавирус аниқланган беморларни худди шу омилларга қараб хавф гуруҳига ажратиш имконини беради.
Корейс тиббиёт журналида чоп этилган мақолада тадқиқотчилар диабет, юқори тана ҳарорати, кислород етишмаслиги ва илгари мавжуд бўлган юрак-қон томир касалликлари мавжуд беморларда COVID-19 жуда оғир шаклда кечишини маълум қилганлар.
Шифокорлар жамоаси 19 февралдан 15 апрелгача бўлган муддатда Жанубий Кореянинг Дегу шаҳридаги шифохонада коронавирусга чалинган 110 нафар беморни кузатиб, юқоридаги хулосага келганлар. Айтиш мумкинки, мазкур ҳолатларда кўпинча ҳасталик ўлим билан якунланган.
Uzbek