Жанубий Корея Johnson&Johnson вa Pfizer компаниялари билан 16 миллион кишига етадиган миқдорда коронавирус вакциналарини сотиб олиш бўйича битимлар имзолади. Бу ҳақда Бош вазир Чунг Сюн-кюн пайшанба кунги телевизион брифингда маълум қилган.
Pfizerнинг Германиялик ҳамкори BionTech билан ишлаб чиқарган икки дозали вакцинаси Жанубий Кореядаги 10 миллион кишини қамраб олиш учун етарли бўлади. Жануний Корея ушбу ваксинани 2021 йилнинг учинчи чорагида қабул қилиб олиши кутилмоқда. «Биз ушбу вакцинани кейинги йилнинг иккинчи чорагида олиб келиш учун барча имкониятларни ишга солмоқдамиз. Айни пайтда музокаралар давом этмоқда» дейди Чунг.
Аввалроқ, Жанубий Корея ҳукумати ўз аҳолисининг 85 фоизни коронавирусга қарши вакцина билан эмламоқчи эканини маълум қилганди. Жанубий Корея юқоридаги икки компниядан ташқари, AstraZeneca ва Moderna билан ҳам вакцина сотиб олиш бўйича шартнома имзолаган. Айни пайтда Жанубний Корея коронавируснинг учинчи тўлқини билан курашмоқда. Жанубий Корея Касалликларни назорат қилиш ва уларнинг олдини олиш марказининг хабар қилишича, 23 декабрь куни мамлакатда 985 кишига коронавирус ташхиси қўйилди. Бу билан мамлакатдаги CОVID-19 га чалинганларнинг умумий сони 53 533 тага етди. Шунингдек, вирус қурбонлари сони 755 тани ташкил қилмоқда.
Uzbek