Италиялик шифокорлар коронавирусни даволаш учун «тоцилузумаб» препаратини синовдан ўтказадилар. Бу ҳақда 17 март куни мамлакатнинг дори-дармонлар бўйича миллий агентлиги раҳбари Никола Магрини маълум қилди.
Таъкидланишича, «тоцилузумаб» препарати Неапол ва Модена тиббиёт муассасаларида ўз самарасини кўрсатди. Магрини, препаратни дастлабки ўрганиш натижалари «далда берувчи» эканлигини айтди.
Препаратни синовдан ўтказиш 19 мартда бошланиши айтлган эди. Синовларда 330 кўнгилли бемор иштирок этади.
«Тоцилузумаб» препарати иммуносупрессантларга тааллуқлидир ва бўғимларнинг ревматик касалликларини даволашда қўлланилади. Бундан ташқари, Италиядаги шифокорлар ОИЦда ишлатиладиган антивирал препаратларни коронавирус инфекциясини даволашда қўллашади.
Uzbek