Душанба куни берилган расмий маълумотларга кўра, Исроил Бош Вазири Биньямин Нетаньяху коронавирусга чалинган одам билан алоқада бўлгани учун изоляцияга олинган.
Нетаньяху якшанба ва душанба кунлари CОVID-19 тестидан ўтказилган бўлиб, уларнинг иккаласида ҳам манфий натижа аниқланган.
Аммо, Нетаньяху 18 декабрь жума кунигача ўзини яккалаш тартибида қолади. Нетаньяху ва Исроилнинг бошқа бир нечта амалдорлари коронавирус пандемияси бошланганидан бери вақти-вақти билан коронаиврусни юқтириб олган одамлар билан мулоқот қилишган ва изоляцияга олиниб келинишмоқда.
Бугунги кунга келиб Исроилда CОVID-19 га чалинганлар сони 359 070 нафарни, қурбонлар сони эса 3004 нафарни ташкил қилмоқда. Айни пайтда бу мамлакатда 17 500 дан ортиқ одам коронавирусдан даволанмоқда.
Uzbek