Туннелни ишга тушириш 10 декабрга мўлжалланган. Бу туннель орқали электр автобус йўловчиларни 240 км/соат тезликда олиб юради.
SpaceX ва Tesla асосчиси Илон Маск Лос-Анжелес яқинидаги Boring Co номли биринчи ўта тезкор туннелни шахсан ўзи синаб кўрди. Бу хақда у Twitterдаги саҳифасида хабар берди- деб ёзади informburo.kz.
«Мен, бугун кечқурун Лос Анжелес остидаги Boring Co туннелини бутун узунлиги бўйлаб ўтиб чиқдим. Узоқ вақт давомида ташвишланиш. 10 декабрь куни очилиш маросимини кутиш асносида», деб ёзади Илон Маск.
Туннель, Маскнинг яна бошқа бир компанияси- The Boring Company томонидан лойиҳалаштирилди ва қурилди. Илон Маск ўта тезкор туннелни яратиш ғоясини икки йил аввал эълон қилган эди. Тадбиркор Лос-Анжелесда тирбандликда турганида, бу фикр унинг хаёлига келганлигини тан олган эди.
Туннелнинг биринчи қисмини ишга тушириш 10 декабрга мўлжалланган. Унинг ичида, туннель учун махсус мўлжалланган, электр автобуслари харакатланади. Электр автобус тезлигини 240 км / соатгача чиқаришга қодир.
Шу йилнинг март ойида Илон Маск электр автобусларининг қандай кўринишда бўлишини намойиш этганди.
Электр автобус туннеллар ва лифтлар ўртасида автоматик равишда ўчириб-ёқилади. Ушбу янги ишланма асосан пиёдалар ва велосипедчилар фойдасига қаратилган.
«Бу тизим автомобилларни ҳам олиб юриши мумкин, аммо фақат жамоат транспортининг барча эҳтиёжлари қондирилгандан сўнг. Бу ҳурмат ва адолат масаласидир. Биринчи навбатда, машина сотиб ололмайдиганлар ҳақида ўйлашингиз керак», – дейди Илон Макс.
Унинг сўзларига кўра, лойиҳани амалга ошириш учун биттагина автомобиль турадиган жой ўлчамида минглаб кичик станциялар ташкил этилади.
Uzbek