Google Earth платформаси энди фойдаланувчиларга сўнгги 37 йил ичида юз берган иқлим ўзгаришини кузатиб бориш имкониятини беради. Бу ҳақда пайшанба куни Google корпорацияси блогида хабар берилди .
«Google Earth ишга туширилгандан буён биз дунёнинг 3D моделини яратишга эътибор қаратмоқдамиз. 2017 йилдан бери Google Earthнинг энг йирик янгиланиши туфайли сиз энди сайёрамизни бутунлай янги ўлчов – вақт ичида кўришингиз мумкин. Timelapse ёрдамида Google Earthда сунъий йўлдошлардан олинган 24 миллион фотосурат 37 йил давомида интерактив 4D форматида йиғилган », – дейилади компания пресс-релизида.
Timelapse хизмати ўрмонлар майдони қандай ўзгарганлиги, шаҳарлар ўсганлиги, ўртача ҳарорат ошганлиги ва ресурс манбалари тугаганлигини аниқ кўрсатиб беради.
Google Earth- бу сунъий йўлдош тасвирлари ёрдамида Ер сайёраси юзасини акс эттирувчи платформа. Хизмат ёрдамида сиз сайёрамизнинг исталган қисмига «кўчишингиз» ва қизиққан жойингизни уч ўлчовли режимда текширишингиз мумкин.
Uzbek