Гонгконг аэропорти намойишчиларнинг келтирган зарарлари сабаб душанба куни парвозларни вақтинча тўхтатди. Хитой эса икки ойдан буён давом этиб келаётган намойишларни терроризм асоратлари деб атади.
Аэропорт маъмурларининг айтишича, улар парвозларни сешанба куни соат 6 дан давом эттирмоқчи бўлган, лекин ҳафта якунида полиция ва намойишчилар ўз пазицияларида қаттиқ туриб олишган.
Аэропорт фаолиятининг тўхталишига айнан нима сабаб бўлган маълум эмас, чунки намойишчиларнинг тўрт кун давомида кузатув залларини эгаллаб олишлари давомида ҳеч қандай салбий ҳаракатлар кузатилмаган.
Уларнинг аксарияти ярим тунда бинони тарк этишган, бироқ тахминан 50 киши қолиб кейин қаерга боришларини муҳокама қилишган.
“Бу озодлик учун, нега биз кетишимиз керак” дейди ниқоб кийган 24 ёшли намойишчилардан бири. Экспертларнинг айтишларига кўра, бир нечта намойишчиларнинг фаолиятларини расман терроризм деса бўлади ва бу уларга қарши кенг миқёсдаги антитеррор қонунларини қўллашга олиб келиши мумкин.
Хитой Халқ Қуролли Кучлари қўшни Шензен шаҳрида ҳам машғулотлар учун тўпланди.
Гонконгга яшовчилар эса бунга жавобан кўчаларни яна эгаллаб олишди, оламон мадҳия куйлаб полиция маҳкамасига бостириб кирди. Бу даҳшатли намойишлар Хитойни сўнгги ўн йилликдаги энг қийин аҳволга солди ва давлат раҳбари Ци Сзинпин ўзи ишга киришган 2012 йилдан бери энг оғир синовлардан бирига айланди.
Намойишчилар 1997 йилда тузилган “бир мамлакат, икки тузум” келишувини бекор қилиниши ва автономияни ҳимоя қилиб курашаётганларни таъкидлашяпти.
Гонгконг ҳавода юк ташиб ўтиладиган дунёда 1- ўринда турувчи порт ҳисобланади ва йўловчи ташиш бўйича йилига 73 миллион йўловчи билан 8-ўринда. Аеропорт 4 кундан бери ҳукуматга қарши намойишчилар билан тўлган. Мамлакатга аллақачон йўл олган самолётларга қўнишга рухсат берилган бўлса-да тахминан 190 та парвоз қолдирилган. Малайзия авиакомпанияси икки давлат ўртасидаги парвозларни сешанба туш пайтгача кечиктиришини билдирган.
Хитой ҳукумати ўзининг Тибет ва Шинжон ҳудудларидаги қаттиққўл сиёсатини терроризм хавфи бартараф этилиши сабабли деб ўзини оқлашга уринмоқда. Бу режим инсон ҳуқуқлари жамоалари ва Ғарб ҳукуматлари томонидан қораланди. “Гонгконг Хитойники ва унинг ишлари Хитойнинг ички ишларига киради” дейди Ташқи Ишлар Вазирлиги вакили Ҳуа Чунйинг ўзининг баёнотида.
Uzbek