6 январь куни Голландияда коронавирусга қарши оммавий эмлаш бошланди. Бу мамлакатда вакцинани биринчи бўлиб тиббиёт ходимлари ва қариялар уйи ишчилари қабул қилишмоқда. Вегелдаги қариялар уйи ҳамшираси Санна Элкадири Pfizer компаниясининг вакцинаси билан эмланган биринчи одам бўлди.
Европанинг бошқа кўплаб мамлакатларида коронаиврусга қарши эмлаш икки ҳафта олдин бошланиб бўлганди. Голландия ҳукумати эмлашни кеч бошлагани учун танқидларга дуч келди. Мамлакатнинг Бош Вазири Марк Руттенинг айтишича, ҳукумат аслида Pfizerнинг эмас, балки, AstraZenecaнинг вакцинасидан фойдаланмоқчи эди. Лекин, Европа Иттифоқи ҳозиргача фақат Pfizerнинг вакцинасинигина расман маъқулланган.
“Мен бошқа давлатлардан икки ҳафта орқада қолганимиздан жуда хафаман” деди Рутте Голландия парламентида.
Голландияда коронавирус пандемияси бошланганидан бери 12 минг киши ушбу касаллик қурбонига айланди. Аммо, қурбонларнинг асл сони бундан анча кўп. Чунки, коронавирусдан вафот этганларнинг ҳаммаси ҳам текширувдан ўтказилмаган.
Uzbek