Буюк Британиянинг бир гуруҳ университетлари томонидан олиб борилган алгоритмга асосланган янги тадқиқот иқлим ўзгариши сабали 63 мамлакатнинг кредит рейтинги пасайиши мумкинлигини башорат қилмоқда.
Маълум қилинишича, Кембридж университети, Шарқий Англия университети ва Лондонда жойлашган СОАС тадқиқотчилари «РCП 8.5» деб номланувчи «реал сценарий» ни кўриб чиқдилар, бу ерда углерод ва бошқа ифлослантирувчи чиқиндилар яқин ўн йилликлар ичида ўсаётганлигини, ҳарорат ўзгариши, денгиз сатҳининг кўтарилиши ва бошқа иқлим ўзгариши таъсирининг мамлакатларнинг иқтисодиёти ва молиясига таъсири, кредит рейтингларига қандай таъсир қилиши мумкинлигини айтишмоқда.
Иқлим ўзгариши сабабли 63 мамлакатнинг кредит тизими 2030 йилга келиб 1,02 поғонага пасайишини ва 2100 йилга келиб ўртача 2,48 поғонага тушишини тахмин қилишмоқда.
Иқлим ўзгариши оқибатида Хитой, Чили, Малайзия ва Мексика, шунингдек, АҚШ, Германия, Канада, Австралия, Ҳиндистон ва Перу энг кўп зарар кўрган давлатлар қаторига киради.
Шунингдек, кредит рейтингнинг пасайиши халқаро бозорларда ушбу мамлакатларнинг қарздорлик харажатларини ошириши 2100 йилга келиб мамлакатларнинг йиллик қарздорлиги 137–205 миллиард долларга кўпайиши, қўшимча харажатлар эса 23-34 млрд долларни ташкил этиши мумкин.
Uzbek