Малидаги Франция ҳарбийлари 6-7-февраль кунлари ал-Қоида ва ИШИД билан боғлиқ гуруҳларга қарши учта операцияни амалга оширди ва унда 30 дан ортиқ жангариларни ўлдирди, дейди Франция қуролли кучлари.
Гўрма минтақасида Франциянинг Барҳане кучлари 20 га яқин жангарини йўқ қилишди. Шунингдек, ИШИДнинг таянч нуқтаси бўлган Липтако вилоятида яна 10 киши ҳалок қилинди.
Ғарбий Африканинг бир қатор мамлакатларида собиқ мустамлакачи давлат бўлган Франция, терроризмга қарши курашиш учун бу минтақага 4500 га яқин аскарини жойлаштирган. Бирлашган Миллатлар Ташкилоти Малида тинчлик ўрнатиш учун операцияларни олиб бормоқда ва унинг ихтиёрида 13000 нафар аскар бор.
Шу пайтгача Бирлашган Миллатлар Ташкилоти, Франция ва Қўшма Штатлар Саҳел минтақасини барқарорлаштириш учун миллиардлаб доллар сарфлади. Аммо, улар бу йўлда унчалик катта муваффақиятга эришмади.
Uzbek