Туркия Президентининг айтишича, зенит-ракета тизими минтақада тинчликни таъминлаши мумкин. Бу ҳақида ТАСС агентлиги хабар бермоқда.
Батафсил:
Туркия президенти Таййип Эрдоған жума куни Россиянинг республикага С-400 зенит-ракета тизимларини eтказиб бериш масаласида самимий ёндашишини таъкидлади.
«Россия С-400 таъминоти масаласида самимий ёндашувни кўрсатди. Ҳамкорликда ишлаб чиқаришда ҳам, қарз бериш масаласида ҳам. Улар етказиб бериш муддатини тезлаштиришга келишиб олдилар. Биз ушбу қадамни минтақада тинчликни таъминлаш учун қўйишга мажбур бўлдик, – деди у Reutersга берган интервьюсида.
Эрдоғаннинг сўзларига кўра, «Россиянинг С-400 ҳаво мудофааси тизимларини жойлаштириш жараёни 2020 йил апрелга қадар якунланади». «Шундан сўнг биз мудофаа тизимимиз нуқтаи назаридан анча хотиржам бўлишни бошлаймиз», дея қўшимча қилди президент.
Туркия бир неча йиллардан бери унга «Patriot» зенит-ракета тизимини сотиш бўйича АҚШ билан музокаралар олиб боришга ҳаракат қилди. Аммо Вашингтон бундай келишувга рози бўлмади ва шунинг учун Анқара Россиядан ракетага қарши мудофаа ускуналарини сотиб олишга қарор қилди.
2017 йил сентябрь ойида Россия Федерацияси Туркия билан С-400 етказиб бериш бўйича шартнома имзолаганини эълон қилган эди, унинг қиймати 2,5 миллиард долларни ташкил қилар эди. Шартнома ишлаб чиқариш технологияларини қисман турк томонига топширишни назарда тутарди. Биринчи етказиб бериш 12 июлда бошланган.
АҚШ ва НАТО Туркия томонидан С-400 самолётини олишга қарши курашмоқда. 17 июль куни Оқ уй вакили ёзма баёнотида Туркиянинг Россиянинг С-400 ҳаво мудофаа тизимини сотиб олишга қарор қилгани, унинг Американинг бешинчи авлод F-35 қирувчи бомбардимонлар дастурида иштирок этишини давом эттиришга имкон бермаганлигини айтди.
Uzbek