Непаллик 36 ёшли Нирмал Пуржа дунёдаги энг баланд 14 та тоғни энг оз вақт мобайнида забт этиб, дунёнинг энг тезкор алпинистига айланди. У бу иш учун фақатгина олти ой сарфлаган, бошқа алпинистларга бу чўққиларга чиқиш учун бир неча йил керак бўлган.
Сешанба куни Пуржа ўзининг Инстаграмдаги саҳифасида Тибетдаги дунёнинг энг баланд чўққисидан олинган суратни жойлаб, унинг тагига «Вазифа уддаланди» деб ёзиб қўйди. Алпинистик агентликнинг расмий вакили Шерпанинг айтишича, гуруҳ бу ҳафта Катмандуга қайтади. «Бу жаҳон рекордидир», деди у.
Дунёнинг энг баланд 14 та чўққисидан саккизтаси Непалда, бештаси Покистонда ва биттаси Тибетда жойлашган. Алпинизм бўйича мутахассисларнинг таъкидлашича, ҳозирга қадар ўндан ортиқ алпинистлар 14 та чўққини забт этишган. Бундан олдин тезкорлик бўйича рекорд етти йил, 10 ой ва олти кун бўлиб, бу натижани жанубий кореялик Ким Чанг Хо қайд этган.
Uzbek