Энг арзон бензин нархи бўйича мусулмон давлатлари етакчи

Bloomberg агентлиги дунёдаги энг арзон ва энг қиммат бензин нархлари бўйича мамлакатлар рейтингини тузиб чиқди. 

Агентлик мутахассисларининг тадқиқотларига кўра, дунё бўйича энг арзон бензин нархи Венесуэлада бўлиб, бу ерда 1 литр бензин нархи 0.01$ дан ҳам арзонроқ экан. 

Етакчи учликнинг кейинги ўринларини эса, Эрон ва Қувайт давлатлари эгаллаган. Бу ерларда 1литр бензин нархи 0.28$ ва 0.35$ экан. 

Шунингдек  энг арзон бензин нархлари рейтингининг ўнлигига Нигерия, Миср, Саудия Арабистони, Малайзия, Индонезия ва Россия давлатлари ҳам киритилган. 

Дунё бўйича энг қиммат бензин нархлари рўйхатининг етакчиси сифатида Гонконг (2.09$), Норвегия (2.02$)ва Нидерландия (1.93$) тан олинган.

Шунингдек, энг қиммат бензин нархлари бўйича мамлакатлар рўйҳатининг ўнлигига Греция, Италия, Дания, Исроил, Португалия, Финландия ва Франция давлатлари киритилган.