British Airways авиакомпанияси, учувчиларнинг юқори маошни талаб қилган иш ташлаши сабабли, деярли 100 фоиз парвозларни бекор қилди. Бу ҳақида DW агентлиги хабар бермоқда.
Батафсил:
British Airways авиакомпанияси учувчилари Британия авиакомпанияси тарихидаги биринчи умумий иш ташлашни бошлашди. 9 сентябрь, душанба куни авиакомпания Буюк Британия аэропортларидан парвозларнинг деярли 100 фоизини бекор қилди. Икки кунлик иш ташлаш қарийб 300 минг одамнинг саёҳат режаларини бузиши мумкин.
9-10 сентябрь кунлари бўлиб ўтган норозилик митингида барча авиакомпаниянинг учувчилари иш ҳақини оширишни талаб қилиб иштирок этишмоқда. Фақат иш ташлашнинг биринчи кунида режалаштирилган 850 та рейснинг кўп қисми бекор қилиниши мумкин. “Financial Times” хабарига кўра, British Airways одатда 48 соат ичида 1700 га яқин парвозларни амалга оширади.
Иш ташлашнинг бир куни British Airways компаниясига 40 миллион фунт стерлингга тушади, дея хабар беради Британиянинг BALPA учувчилар уюшмаси 8 сентябрь куни Twitterда. Шу билан бирга, BALPA маълумотларига кўра касаба уюшма ва авиакомпания ўртасида ойлик маошининг кўтарилиши бўйича келишмовчиликлар 5 миллионга тенг.
Авиакомпания йўловчиларни иш ташлаш билан боғлиқ ноқулайликлар учун узр сўради. «Биз ҳали ҳам тайёрмиз ва BALPA билан музокараларга қайтишни истаймиз», – дейилади Twitterдаги баёнотда. British Airways авиакомпаниясининг вакили “Financial Times” газетасига берган интервьюсида компания мижозларни келгусидаги бузилишлардан ҳимоя қилиш учун қўлидан келганини қилди. Буюк Британия бош вазири Борис Жонсон 6 сентябрь куни томонларни музокаралар столига қайтишга ва келишмовчиликларни ҳал қилишга чақирди.
BALPA шу каби норозиликларни 27 сентябрда ва эҳтимол қишки таътил олдидан ўтказишни режалаштирмоқда.
Сўнгги тўққиз ой давомида British Airways компанияси раҳбарияти билан BALPA ўртасидаги музокаралар давом этмоқда. Уюшма авиакомпаниянинг июль ойида учувчиларнинг маошини уч йил давомида 11,5 фоизга ошириш таклифини рад этди. British Airways маълумотларига кўра, ушбу таклифга биноан учувчилар йилига 200 минг фунт (тахминан 220 минг евро) маош олишади.
Uzbek