Буюк Британия соғлиқни сақлаш вазири Метт Хенкокнинг айтишича, шу йилнинг охирига қадар чиқарилган янги дорилар ва муолажалар коронавирусни «даволаса бўладиган касаллик» ка айлантириши мумкин, бу эса «эркинликка чиқиш»га умид бахш этмоқда.
Буюк Британиянинг The Telegraph газетасига берган интервюсида Хенкок келажакдаги коронавирус эпидемиясини гриппнинг доимий тўлқинлари билан таққослаб, янги дорилар CОVID-19 ни даволаш ва назорат қилишни осонлаштиришини айтди.
“Янги дорилар коронавирусни бутун ҳаётимизга таъсир қиладиган пандемиядан грипп каби оддий касалликка айлантиришда ҳал қилувчи рол ўйнайди. Биз келаётган ойлар ичида коронавирусни ана шундай касалликка айланатира олишимиз керак” дейди Хенкок.
Аммо, британиялик олимлар Хенкокнинг фикрига қўшилмаяптилар ва коронавируснинг оддий гриппдан анча хавфлироқ касаллик эканлигини таъкидлашмоқда.
«Коронавирус гриппнинг бир тури эмас ва худди гриппден касалликни келтириб чиқармайди, бу жуда ва жуда ёмон касаллик. Биз ҳозирда кузатаётган янги мутациялар янада юқуқмлироқ бўлиб бормоқда» дейди Буюк Британиянинг Брайтон университетининг вирусологи Сара Питт.
Uzbek