Пайшанба куни Белоруссия президенти Александр Лукашенко мамлакат расмийларига Россия ва Украина прокурорларини Минскка таклиф қилиб, ўтган ҳафта ҳибсга олинган россиялик ёлланма аскарларнинг ишини бирга муҳокама қилишларини буюрди. Бу ҳақда Белта ахборот агентлиги хабар берган.
Бундан аввалроқ Зеленский Белорусиядан қўлга олинган ёлланма жангчиларни Украинага топширишини сўраганди. Украина президенти уларни мамлакат шарқида уюштирилган урушларда айбдор деб ҳисобламоқда ва уларни жавобгарликка тортмоқчи.
Лекин, Россия расмийлари Белоруссияда ҳибсга олинган жангчилар Россиянинг ёлланма аскарлари эмаслигини, балки улар хусусий хавфсизлик фирмасига ишлашларини айтишган.
Uzbek