Тўрт йиллик танаффусдан сўнг, Россия ҳукумати топ менежерлар ва муаммоли банкларнинг эгалари учун чет элга чиқишни тақиқловчи қонун лойиҳасини қабул қилди.
ТАСС хабарига кўра, Россия ҳукуматининг қонун чиқарувчи комиссияси Давлат Думаси вице-спикери Ирина Ярова бошчилигидаги бир гуруҳ депутатларнинг Россия Банкига суд қарори билан виждонсиз банкирлар учун чет элга сафарларини вақтинча чеклаш ҳуқуқини бериш тўғрисидаги ташаббусини қўллаб-қувватлади.
Ҳужжатга кўра, Марказий банк молия соҳасидаги жиноятларга алоқадор бўлиши мумкин бўлган кредит ва нокредит молиявий ташкилотларнинг эгалари ва раҳбарлари учун чегараларни ёпиш тўғрисида судга мурожаат қилиш ҳуқуқига эга. Бундан ташқари, улар Россия Федерациясининг жиноят-процессуал қонунчилигига мувофиқ гумонланувчи мақомини олишмагунча саёҳат қилиш тақиқланади.
Чиқиш ҳуқуқининг максимал муддати 180 кунни ташкил этади.
Марказий банк раҳбари Эльвира Набиуллина 2016 йил сентябрь ойидаёқ банкирларнинг чет элга чиқиб кетишини чеклаш тўғрисидаги таклиф билан чиққан эди. Ўша паллада айни банк секторида «тозалаш» авжига чиққанида, ҳар йили 40-50 тагача банк лицензиясиз қолаётган эди.
Банкирлар кўпинча ўз банкларидан активларини олиб чиқиб кетган мамлакатларда яширинишади, дея президент Владимир Путинга шикоят қилганди Набиулина. Ушбу мавзуни қонуний равишда ўйлаб кўриш керак, дея ташаббус кўрсатган эди у: коммунал тўловлар ёки йўл ҳақи учун тўловларни тўламаган фуқаролар чет элга чиқмасликлари мумкин ва аксинча «жуда катта миқдордаги қарзлари бўлган банкирлар бемалол мамлакатни тарк этишади».
Путин фуқароларнинг ҳуқуқларини чекламаслик учун эҳтиёткорлик билан масалани кўриб чиқишни буюрди. Президент Путиннинг сигналлари том маънода қабул қилинди: қонун лойиҳаси устида ишлаш тўрт йилгача чўзилиб келган.
Ўшандан бери, Марказий банк томонидан 100 миллиард рублдан ортиқ даъволар уларга нисбатан илгари сурилган, Промсвязбанкнинг собиқ эгалари Дмитрий ва Алексей Ананев, Россияни Лондон йўнилиши бўйича тарк этишга улгуришди. Улар банкрот бўлган “Траст” банк акциядорлари – Буюк Британияга кетган Илья Юров, Николай Фетисов ва Сергей Беляев ҳамда Монакода яшириниб юрган «Внешпромбанк» нинг собиқ эгаси Георгий Беджамов билан бирлашдилар.
Uzbek