Ўзбекистон миллий телерадиокомпанияси томонидан байрам арафасида янги телевизион форматдаги лойиҳалар амалга киритилади. Бу хақда Компания раиси Алишер Хаджаев ўзининг facebookдаги саҳифасида эълон қилди.
Ўзбекистон миллий телерадиокомпаниясидан Конституциямизнинг йигирма олти йиллик тўйига байрам туҳфаси!
Ўзбекистон миллий телерадиокомпанияси телетомошабинлар учун навбатдаги туҳфасини тақдим этди: 2018 йилнинг 8 декабрь кунидан бошлаб Компания тизимидаги «SPORT» телеканали ўз кўрсатувларини нафақат SD форматида, балки бугунги технологиянинг энг сўнгги ютуқларидан бири ҳисобланган ва техник сифат борасида юқори тиниқликни таъминлайдиган HD форматда ҳам эфирга узата бошлади.
Бундан буён телетомошабинлар 24 соат узлуксиз намойиш этувчи 4К форматли юқори тиниқлигдаги «Lux.TV» (DVB-T, 35-канал) телеканали ва юқори тиниқликдаги HD форматда «O‘zbekiston 24» (DVB-T2, 31-канал), «Kinoteatr» (DVB-T2, 31-канал), «UzHD» (DVB-T, 42-канал) телеканаллари билан бир қаторда, «SPORT» (DVB-T2, 31-канал) телеканалини ҳам кўриш имконига эгадирлар.
Uzbek