Владимир Кравченко Ucell компаниясининг бош директори в.б. этиб тайинланди

Бу хақида Spot интернет нашри томонидан қуйидагилар маълум қилинган.

Компанияни 2014 йилдан бошқариб келган Тону Грюнберг бошқарувни “Telia” ўз улушини Давлат рақобат қўмитасига 215 миллион $ га сотгандан сўнг тарк этди.
Ucell компаниясининг в.б. бош директори этиб Владимир Кравченко тайинланди, дейилади компания расмий сайтида.

Кравченко 1985 йилда туғилган. Тошкентдаги Халқаро вестминстер университетини тамомлаган. 2017 йилнинг март ойида Uzmobile  бош директори этиб тайинланган, унгача компаниянинг тижорат директори лавозимида фаолият олиб борган. 2018 йилнинг май ойида Uzmobile бошқарувини тарк этди.

Ucell компаниясини 2014 йилнинг 15 сентябрдан Евросиё ҳудудида технологиялар бўйича Вице-президент лавозимида фаолият олиб борган Тону Грюнберг бошқариб келган. Грюнберг бошқарувни “Telia” ўз улушини Давлат рақобат қўмитасига 215 миллион $ га сотгандан сўнг тарк этди.

Ucell  1996 йилда Coscom бренди остида ташкил этилган. 2007 йил июль ойида “TeliaSonera ” Coscom  компаниясининг асосий акциядорига айланди. 2008 йил июн ойида оператор Ucell бренди остига ўтди. 2 G  оператор тармоғи Ўзбекистон ҳудудининг тахминан 97%ини, 3 G  — 60%ини қоплайди. Абонентлар сони 7,1 миллионни ташкил этади.
«Spot»

Маълум бўлишича, Ucell компаниясини 2014 йилнинг 15 сентябрдан Евросиё ҳудудида технологиялар бўйича Вице-президент лавозимида фаолият олиб борган Тону Грюнберг хорижий резидент ҳисобланади. Эндиликда, Ucell  компаниясидаги барча улушга эга қилувчи Давлат рақобат қўмитаси, Ucell компаниясининг янги тайинланган бош директор вазифасини бажаришга киришган  Владимир Кравченко хақида ҳозирча батафсил маълумотлар бермаган.

Давлат рақобат қўмитасининг расмий сайтида эса, ушбу мавзуга оид фақат қуйидаги хабар тарқатилган: 
“Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси 2018 йил 5 декабрда «TELIA COMPANY AB» компанияси билан МЧЖ «Coscom» ХКнинг устав капиталидаги 100% улушини сотиб олиш бўйича келушивга эришганлигини маълум қилади.
Маълумот учун: МЧЖ «Coscom» ХК ҳозирда «UCell» савдо белгиси остида Ўзбекистонда 7,3 миллион абонентга уяли алоқа хизматларини кўрсатади.”