БАА Соғлиқни сақлаш ва профилактика вазирлиги яна 14 кишида коронавирус борлиги аниқлангани ҳақида маълум қилди, дея хабар беради WАМ давлат ахборот агентлиги 9 март куни.
Янги касалланганларнинг тўрт нафарии БАА, уч нафари Италия, икки нафари Бангладеш, яна икки нафари Непал фуқароларидир. Шунингдек, улар орасида Россия, Ҳиндистон ва Суриянинг бир нафардан фуқаролари ҳам бор. Барча касалланганларнинг ҳолати барқарор эканлиги айтилмоқда.
Ҳозирда БААда коронавирус билан касалланганларнинг умумий сони 59 кишини ташкил қилмоқда. Аммо уларнинг бирортаси ўлгани йўқ ва етти нафар бемор соғайиб кетган.
Uzbek