Автомобиллар шиналарини резинали талқон қилиб қайта ишлаш ва унинг қўлланиши (видео)

0
4706
Манба: building-tech.org

Замонавий дунёда автоуловларнинг сони барқарор ўсиб бораётгани ва дунёдаги барча ривожланган мамлакатлар учун шиналарни йўқ қилиш ва қайта ишлаш катта экологик ва иқтисодий аҳамиятга эга бўлиб бормоқда.

Бу авваламбор, эскирган шиналарнинг узоқ муддат давомида атроф муҳитни ифлослантирувчи манба ҳисобланиши билан боғлиқ. Бундан ташқари, резина ёнувчан ва биологик жиҳатдан бўлинмайдиган бўлиб, резинали шиналар уюми эса кўплаб юқумли касалликлар манбаи бўлган кемирувчилар ва ҳашаротлар тўпланиб яшаши учун жуда қулай жойдир.

Шинани қайта ишлашнинг афзал тарафи шундаки, чунки дунёдаги шиналар захирасининг 80% и синтетик каучукдан ишлаб чиқарилади, бу эса нефтдан олинадиган- қайта тикланмайдиган табиий ресурс ҳисобланади.

Бу ерда сақлаш, кўмиш ва ёқиш ўрнига, уларни қайта ишлаш технологияси катта иқтисодий аҳамият касб этади, чунки бу ҳолатда қимматли хом ашё захиралари сақланиб қолинади, ресурсларни тежаш, арзон технологияларни ривожлантириш ва экологик шароит яхшиланади, резина чиқиндилари ташлаш учун катта майдонлар керак бўлмайди.

Таъкидлаб ўтиш керакки, табиий ресурслардан яратилган резина шиналар ва қопламалар, аввалданоқ ўз-ўзидан фойдали материаллардан таркиб топган бўлади: металл, тўқимачилик буюми, регенерат ва бошқалар. Шунинг учун, бу шиналарнинг компанентларидан фойдаланишнинг кенг тарқалган соҳаси мавжуд.

Переработка автомобильных шин в резиновую крошку и ее применение

Қайта ишланган шиналардан олинган талқон кенг миқёсда қўлланилиб келинади. Ушбу материалдан фойдаланишнинг қуйидаги асосий соҳаларини кўриб чиқамиз:

Резина плиткалари

Резина талқонларидан олинадиган плиткалар юқори даражада едирилишга қаршилик ва аъло даражадаги мустаҳкамлик хусусиятларига эга. Резина плиткалар зарбаларни ютиб юборади, ажойиб амортизацияга ва ортопедик сифатларга эга. Резина талқонлари билан резина плиткалар ишлаб чиқаришда маҳсулот умумий массасининг 80% ни ташкил қилади. Бу эса, мустаҳкамлик хусусиятлари ва узоқ муддат хизмат қилиши унга боғлиқлигидан далолат беради.

Спорт заллари, майдончалар учун қопламалар

Теннис кортлари, баскетбол, футбол ва бошқа спорт майдончалари жароҳатланишни олдини олиш учун резинали қопламаларга муҳтож бўлади. Бундай қопламаларни резина талқонларига полимер боғловчилар қўшилиб ишлаб чиқарилади. Натижада, сирпанишга қаршилик қиладиган қоплама юзага келади, яъни хавфсиз.

Переработка автомобильных шин в резиновую крошку и ее применение

Том ёпадиган қурилиш материаллари

Ёпиладиган материал битум асосида ишлаб чиқарилади, унга полиуретан қўшилади. Сўнгра, резина талқони тиокол билан аралаштирилади ва устидан қуюлади. Олинган материаллар турар-жой ва саноат биноларининг томларига, шунингдек, ёриқлар ва улама жойларини таъмирлашда фойдаланилади.

Спорт анжомлар учун бекфиллер

Якка кураш жанг санъати учун манекенлар, боксчилар қопи ва “груша”си ичига резина талқонлари тўлдирилади.

Сунъий майса қопламалари

Футбол майдончаларига 2 мм гача бўлган фракцияси билан майда донали резина талқонлари сепиб чиқилади.

Одатда одамлар кўп тўпланадиган жойлардаги трап ва пол қопламалари

Худди бино ичидаги каби, кўчаларда, йўлакларга киришда ҳам қўлланилади. Ушбу турдаги материаллар, фибробетон (50% майдалаган резинали талқони бўлган полиуретан) хусусиятларидан келиб чиқиб, совуқ иқлим шароитида қўлланилади.

Переработка автомобильных шин в резиновую крошку и ее применение
Йўл қопламалари

Резина талқонларидан йўлни қоплашда яхши фойдаланиш мумкин. Ушбу замонавий қоплама ўзининг физик-механик хусусиятлари билан ажралиб туради. Йўл сиртининг асосига йирик фракцияли резина талқонлари аралашмаси, минерал зарралар билан массаси бўйича металлокорд ва 50% гача корд олинади.

Кўприклар учун қопламалар

Одатда, кўприкларни реконструкция қилишда бўғинлар импорт материаллари билан ёпилади. Резина талқонларини қўллаш орқали моддий харажатларни сезиларли даражада тежаш мумкин, чунки у қайта ишланган шиналардан олинади.

Резина талқони, резина маҳсулотлари ишлаб чиқарувчи корхоналар, резина заводлари, йўл таъмирлаш компаниялари, арзон каучук ўрнини босувчи резина талқонларига эҳтиёжманд бўлган нефтни қайта ишлаш заводлари томонидан талаб қилинади.

 

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг