АҚШнинг Президенти Жо Байден америкаликларни пандемияга қарши ҳушёр бўлишга чақирди ҳамда 1.9 млн долларлик шартномани имзолади. Шунингдек, у коронавирус тарқалишида Осиёликларни айбламаслик кераклигини айтди.

0
1004
Фото:(REUTERS)

Пандемиянинг биринчи йиллиги муносабати билан Оқ Уйдаги кучли, аммо ғалати нутқида, Байден 4-июль Мустақиллик байрами кунигача мамлакатда нормал ҳолатни янада кўпроқ ҳис қилиш учун Covid-19 эмлаш ишларини жадаллаштиришга ҳаракат қилаётганини айтди.
«Агар биз ҳушёр турмасак, ҳолат ўзгариб кетса, биз яна карантин чекловларни тиклашимиз керак бўлиши мумкин. Биз жуда катта ютуқларга эришдик. Ҳозир вирусга имкон бериш вақти эмас».- деди Жо Байден
Республикачилар Байденни эҳтиёткорона муносабати учун тезда танқид қилдилар. «Ҳозир Америкага керак бўлган нарса – иқтисодиётимизни тўлиқ очишдир», деди Вакиллар Палатаси республикачилар партияси раҳбари Кевин Маккарти Твиттер-да.
Байденнинг айтишича, у АҚШ штатлари, ҳудудлари ва қабилаларига барча раҳбарларни 1-майгача коронавирусга қарши эмлаш ҳуқуқига эга бўлишни буюрган. Оқ уй май ойи охиригача аҳолини эмлаш учун етарли миқдордаги вакцина билан таъминланишини айтди. Ҳозирга қадар америкаликларнинг тахминан 10 фоизи тўлиқ эмланган.
Байден ўтган йили сайлов олди дастурларида республика президенти Доналд Трампга қараганда пандемия билан самарали курашишга ваъда берган. Шунингдек, Жо Байденнинг айтишича, осиёлик, америкаликларга қарши нафрат жиноятлари ва таъқибларни тўхташи керак. Трамп бу касалликни бир неча бор «Хитой вируси» деб атаган. Амалдаги Президентнинг сўзларига кўра, мамлакат инқироздан янада кучлироқ чиқади. «Биз ушбу миллат тарихидаги энг оғир ва қоронғу даврлардан бирига дуч келдик ва уларни енгиб ўтдик», деди у.
Шу куннинг ўзида Байден АҚШнинг қутқарув режаси тўғрисидаги қонунни имзолади, бу эса оғир аҳволда бўлган америкаликларга молиявий кўприк ҳамда иқтисодиётни ривожлантириш учун мўлжалланган. 1,9 триллион долларлик пакет демократ президент учун унинг маъмуриятида икки ойдан камроқ вақт ичида катта сиёсий ғалаба бўлган.
Тўпламда аксарият америкаликларга 1400 долларлик тўғридан-тўғри тўловларни амалга ошириш учун 400 миллиард доллар, давлат ва маҳаллий ҳукуматларга 350 миллиард долларлик ёрдам, болалар учун солиқ имтиёзларини кенгайтириш ва Covid-19 вакцинасини тарқатиш учун маблағларни кўпайтириш кўзда тутилган.

Maнба: 

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг