30 август куни кечқурун Американинг Мобил шаҳридаги (Алабама штати) спорт стадионида отишма оқибатида камида 10 киши жароҳат олди. Бу ҳақда NBS хабар бермоқда.
Манбага кўра, воқеа LeFlor ва Uilyamson жамоалари тўқнашган Ладле Пейблз стадионидаги футбол учрашувидан сўнг рўй берган.
Мобил шаҳрининг полицияси отишма оқибатида камида 15 ёшдан 18 ёшгача бўлган 10 киши жароҳат олганини тасдиқлади.
Барча жабрланганлар шошилинч касалхонага ётқизилган.
Шифокорлар беш қурбоннинг аҳволини ўта оғир деб баҳоламоқда.
Полициянинг таъкидлашича, қурбонларнинг аксарияти LeFlor жамоаси томонида бўлган. Икки гумондор қўлга олинди ва сўроқ қилинмоқда.
Uzbek