Вашингтон ўз иқтисодиётидаги юзага келган вазиятни тиклаш масаласини ҳал қилиш зарурлигига қарамай, Пекинни жазолаш стратегиясини ишлаб чиқмоқда.
АҚШ президенти Дональд Трамп маъмурияти Хитойни коронавирус ҳақидаги ҳақиқатни яширишганлиги учун иқтисодий усуллар билан жазолаш режаларини ишлаб чиқмоқда. Гап Пекинга қарши санкциялар ва иккала мамлакат ўртасидаги савдо шартларини кучайтириш ҳақида кетаётган бўлиши мумкин, деб хабар беради CNN Оқ уйдаги манбаларга таяниб.
Телекомпания суҳбатдошларининг сўзларига кўра, бу нафақат Трампнинг президентлик сайловлари арафасида қилган хатолари учун жавобгарликни Хитойга юклашга уриниши билан боғлиқ эмас. Трамп маъмуриятдаги манбаларнинг таъкидлашича, Вашингтон Хитой ва бошқа давлатлардан ўзларини кўпроқ маъсулиятли тутишларини талаб қилишмоқчи.
“Биз иқтисодиётни ривожлантиришимиз керак, шунинг учун эҳтиёткорлик билан ҳаракат қиламиз. Аммо биз хитойликларга уларнинг хатти-ҳаракатлари қораланиши кераклигини намойиш қилиш учун йўлини топамиз «, дея маълум қилди CNN суҳбатдоши.
Бир вақтни ўзида, Вашингтон махсус хизматлардан Уҳань лабораториясининг ҳалокатли вирус манбаи бўлганига оид далиллар топишни талаб қилиб, ХХРга нисбатан сиёсатини кучайтириш учун сабаб қидирмоқда. Улар ушбу касаллик юқтирилган ҳайвонлар билан ўтказилган тажрибалар натижасими ёки бу Хитой ҳукумати томонидан беркитилган лабораториядаги фавқулодда ҳолатми ёки йўқми, шуни билишни истайдилар.
Трампнинг ўзи пайшанба куни журналистларга икки мамлакат ўртасидаги муносабатларнинг ёмонлашиши, хусусан, АҚШга «миллиардлаб доллар» олиб келган савдо битими туфайли Хитой ҳукуматининг келгуси сайловларда Трампни ютқазишига эришиш истаги билан боғлиқлигини айтди. «Улар учун уйқусираган Жо Байденни кўриш янада фойдалидир, уларнинг ёрдами билан Америка билан ҳар қандай иш қилиш мумкин», деди у.
Ҳозирча Қўшма Штатлар коронавирус инфекциясини келтириб чиқариши билан боғлиқлиги Хитой ҳукуматига қарши бирон бир далил келтира олмади. «Ўйлайманки, охир-оқибат биз буни билиб оламиз», деди CNN суҳбатдоши, аслида COVID-19 қаердан келиб чиққанлигини билиш мумкинми деган саволга жавобан.
Телекомпания таъкидлашича, Трамп 2016 йилда президентлик кампаниясини бошлаганиданоқ анти-Хитой риторикасидан фойдаланганди. Хусусан, у 70-йилларнинг бошларида ХХР билан муносабатларни ўрнатишга қарор қилган Президент Ричард Никсонни танқид қилганди. Трампнинг сўзларига кўра, Хитойни глобал иқтисодиётга жалб қилиш жараёни фалокатга олиб келган, чунки аҳолиси АҚШ аҳолисидан бир неча баравар кўп бўлган мамлакат, натижада Америка саноатига жиддий зарар етказди.
Шу билан бирга, йил бошида Трамп Хитой раҳбари Си Цзинпинни Пекиннинг коронавирусга қарши курашдаги саъй-ҳаракатлари учун мақтаган эди. Ўша пайтда, Қўшма Штатларда бугун кундагидек миқдорда кўп касалликни юқтирганлар ва вафот этганлар бўлмаганди.
Жон Хопкинс университети маълумотларига кўра, Қўшма Штатларда 62 мингдан ортиқ одам коронавирус инфекциясининг қурбонига айланган. Таққослаш учун, Хитойда 4,6 минг ўлим қайд этилган.
Uzbek