Туркия Суриянинг Идлиб шаҳрида ўзини ҳимоя қилиш ҳуқуқидан фойдаланишга ҳақли. АҚШ ушбу масалада Анқарани қўллаб-қувватлаш учун барча имкониятларни кўриб чиқмоқда.
Бу ҳақда пайшанба куни АҚШ давлат котиби Майк Помпео Вашингтонда бўлиб ўтган матбуот анжуманида Идлиб деэскалацияси зонасидаги вазиятга изоҳ бериш давомида баёнот берди.
Помпео, Россия авиация-космик кучлари, Башар Асад режимининг кучлари ва Эрон тарафдори бўлган ёлланма жангариларнинг ҳужумлари минглаб суриялик тинч аҳолига зарар етказаётгани ҳақида таъкидлаб ўтди.
АҚШ Давлат котиби Россияни 2018 йилги Сочи шартномалари бўйича мажбуриятларини бажаришга қайтишга, шунингдек, Идлибда сулҳни таъминлашга чақирди.
Бундан ташқари, Помпеонинг таъкидлашича, Вашингтон ҳозирда Анқара томонидан Америкага йўллаган бир қатор талабларни кўриб чиқмоқда.
Унинг сўзларига кўра, АҚШ Давлат департаменти Пентагон билан биргаликда Суриядаги кескинликни камайтириш ва кенг кўламли гуманитар инқирозни ҳал қилишнинг энг самарали усулларини ўрганмоқда.
АҚШнинг НАТО бўйича иттифоқчиси бўлган Туркия Ассад режими, Россия ва Эронга қарши гуруҳлар томонидан шакллантирилган таҳдидлардан ўзини ҳимоя қилиш ҳуқуқига эга, таъкидлаб ўтди дипломатия раҳбари.
Uzbek