Германия ташқи ишлар вазири Путин билан музокара ўтказишнинг иложи йўқлигини маълум қилди ва Украинага кейинги ҳарбий ёрдамни ваъда қилди
Россия президенти Владимир Путин умумий масалалар, хусусан, халқаро гуманитар ҳуқуқ соҳасидаги ҳамкорлик бўйича ҳам музокаралар олиб боришдан бош тортмоқда, деди Германия ташқи ишлар вазири Анналена Бербок.
Урушни музокаралар йўли билан якунлаб бўлмайди, дея таъкидлади Бербок. Германиянинг олдида иккта йўл бор: ё ҳеч нарса қилмаслик ёки русларнинг кейинги юришини тўхтатиш учун Украинани ҳарбий жиҳатдан қўллаб-қувватлаш. Вазир демократик мамлакатларни Украинага ёрдам беришга чақирди, чунки «бу инсон ҳаётини ҳимоя қилишдир» деди.
Июль ойининг охирида Берлин Киевга Gepard ўзиюрар зенит қуроли, учта Mars II кўп ракета ташувчиси ва PzH зирҳли гаубицасини етказиб берган эди. Бундан ташқари, ҳукумат PzH 2000 ишлаб чиқарувчиси Krauss-Maffei Wegmannга Киевга умумий қиймати 1,7 миллиард евро бўлган яна 100 та тизимни етказиб бериш учун старт берганди.
Die Welt газетаси бераётган маълумотларга қараганда, Германия ҳукумати сўнгги ойларда Украинанинг қўшимча қурол етказиб бериш бўйича сўровларни эътиборсиз қолдирмоқда. Охирги, ўн ҳафта ичида украиналик дипломатлар қурол-яроғ етказиб бериш масаласини қайта-қайта кўтаришди, бироқ Германия Мудофаа вазирлиги худди Федерал канцлер идораси каби бу сўровларни иккинчи планга қўймоқда.
Uzbek