Афғонистоннинг Россиядаги Фавқулодда ва мухтор элчиси Сейид Таеб Жавад Спутник Афғонистонга берган интервьюсида мамлакатда тинч мулоқот бўлиши мумкинлигини, аммо бунинг учун бошқа давлатларнинг ёрдами зарурлигини таъкидлади.
Дипломатнинг таъкидлашича, агар Афғонистонда муаммони ҳарбий йўл билан ҳал қилиш мумкин бўлса, унда томонлардан бири ғалаба қозонган бўлар эди.
Жаваднинг қўшимча қилишича, толиблар жиддий, реалистик, яхши ва тоза ният билан музокаралар жараёнида қатнашиши керак, аммо ҳозирча улар кун тартибида ҳам келиша олмайдилар.
Қизиғи шундаки, ҳукумат ва мухолифат Толибон билан музокаралар учун умумий тил топди ва ҳар қандай кун тартибини муҳокама қилишга тайёр.
Афғонистон элчихонаси раҳбарининг сўзларига кўра, тинчлик музокараларисиз мамлакат янги қон тўкилишига дуч келади.
«Шунинг учун биз Москвадаги ва Марказий Осиёдаги дўстларимиздан Афғонистонда тинчлик ва осойишталикни ўрнатиш ва толибларни музокара столига олиб келишда жиддийроқ роль ўйнашларини сўраймиз», – дея қўшимча қилди дипломат.
Эслатиб ўтамиз, Толибон делегациялари билан музокаралар Қатарда ҳам, Россияда ҳам ўтказилган, аммо расмийларнинг баёнотларига кўра, улар ҳеч қандай тараққиётга олиб келмаган.
Uzbek