Ушбу қадам ЮНEСКОнинг Фаластин муаммоси бўйича келишмовчилиги билан боғлиқ, дея хабар бермоқда Анадолу.
Қўшма Штатлар ва Исроил расмий равишда ЮНEСКОдан чиқиб кетди.
2017 йилда қабул қилинган тегишли қарор ўтган йилнинг 31 декабридан кучга кирди.
Қўшма Штатлар, Иккинчи жаҳон урушидан кейин тинчликни мустаҳкамлаш мақсадида ташкил этилган ЮНEСКОнинг асосчиларидан бири эди.
Қўшма Штатлар ва Исроилнинг бу қадами, Фаластин масаласида ташкилотнинг позициясидан норозилиги билан боғлиқ.
2011 йилда Фаластин ЮНEСКОнинг тўлиқ аъзоси сифатида эътироф этилди. Ташкилот Шарқий Қуддусдаги тарихий ёдгорликларни Фаластиннинг маданий мероси деб тан олди.
2017 йилнинг октябрида АҚШ Давлат Департаменти ЮНEСКОдан чиқиб кетиш ҳақида расмий хабар юборди. ЮНEСКОга аъзоликдан воз кечишининг асосий сабаби – «ташкилотнинг Исроилга қарши позицияси” эканлиги айтилмоқда. Қўшма Штатлардан кейин Исроил ҳам шу каби қарорин эълон қилди.
Uzbek