Давлат департаменти ва АҚШ Молия вазирлиги россиялик миллиардер Владимир Евтушенковнинг фаолияти «Америка душманларига қарши санкция билан курашиш тўғрисида» (CAATSA) қонун меъёрларига тушиш-тушмаслигини ўрганмоқдалар. Бу хақда АҚШ Давлат котиби ёрдамчиси Мери Уотернинг Республикачилар Палатаси вакиллари Илеана Рос-Лейтинен ва Марк Уокернинг сўровномасига берган жавобида таъкидланган. Ҳужжатнинг факсимил нусхаси 24-май, сешанба куни Конгресснинг қуйи палатаси сайтида Рос-Лейтиненнинг саҳифасида эълон қилинган.
Конгрессменлар ўз сўровномаларини 16 май куни давлат котиби Майк Помпео ва молия вазири Стивен Менушинга юборишган. «Очиқ манбаларга кўра, – дея Рос-Лейитинен ва Уокер ишора қилиб, – Евтушенко компаниялари Украина ҳудуди ҳисобланган Қиримда кенг кўламли инвестиция ва қурилиш лойиҳаларида иштирок этаётган бўлиб, бу ҳудуд Россия Федерацияси томонидан ноқонуний равишда босиб олинган ва аннексия қилинган.” 2016 йилнинг октябрида Қримда бўлиб ўтган митингда Владимири Путин “Владимир Петрович (Евтушенко) ва “Система” АФК “Қирим Республикаси” ва Севастополда бир нечта кўп тармоқли касалҳоналар қуради» дея тасдиқлаган.
Шу билан бирга, «Америка душманларига қарши тўғрисида»ги Қонунда аннексия қилинган Қиримда иш олиб борганлик учун тўғридан-тўғри санкциялар бериш кўзда тутилгани хақида, конгрессменлар сўровномасида қайд этилаган. Қонунга мувофиқ санкциялар Давлат Департаменти билан келишилган ҳолда Молия вазирлиги томонидан киритилади.
Бундан ташқари, Рос-Лейтинен ва Уокер «Коррупцияга қарши кураш ва уюшган жиноятчиликни ўрганиш маркази» (OCCRP) халқаро журналистик лойиҳаси «Система» га тегишли МТС Ўзбекистон билан боғлиқ коррупцион схемаларда иштирок этаётгани аниқланганлиги хақида баёнот беришган.
Шу муносабат билан конгрессменлар Евтушенковга қарши санкциялар жорий этилишини талаб қилган.
Ўтган ёзда «Америка душманларига қарши» қонуни қабул қилинди. Жорий йилнинг 30 январида АҚШ молия вазирлиги ушбу қонун талабларига мувофиқ тайёрланган «Кремлларнинг рўйхати» ни эълон қилди. Рўйхатга Россиядан 210 киши киради: 114 киши ва давлат компаниялари раҳбарлари ва 96 миллиардерлар. У Путиннинг ўзи бундан мустасно, Россия раҳбариятининг барча вакилларини ўз ичига олган. Евтушенков рўйхатдаги иштирокчилардан бири бўлди.
Менушин феврал ойида «Кремл рўйхатидаги» айбланувчиларга нисбатан санкциялар жорий этишга ваъда берди. 15 март куни Молия вазирлиги ФСБ раҳбарлари ва ГРУ раҳбариятига қарши олдиндан қабул қилинган санкцияларни “Америка душманлари билан курашиш тўғрисида”ги қонунга ҳавола қилди. Бу қонунни илк бора тўғридан-тўғри қўллаш эди.
Uzbek