Намойишчилар Эрон ҳукумати сиёсатига норозилик билдирмоқчи, дея хабарберади Анадолу.
Эронда собиқ президент Маҳмуд Аҳмадийнажод, Теҳронда норозилик митингини ўтказиш учун ҳукуматга мурожаат қилди.
Аҳмадинежод ижтимоий тармоқда ёзишича, у Эрон ички ишлар вазири Абдурриз Рахмани Фазлига мактуб йўллади, унда у Эрон Конституциясининг 27-моддасига асосан норозилик акциясини ўтказишни талаб қилган.
Акция 20 январь куни Теҳроннинг Ингилаб майдонида бўлиб ўтади.
Собиқ президентнинг ёзишича, акция иштирокчилари Эрон ҳукуматининг сиёсатига норозилик билдирмоқчи.
Аҳмадийнежоднинг айтишича, фуқроларнигн қонуний хуқуқи ҳисобланган акцияни амалга оширишга ижозат бермаслик – аниқ жиноят бўлади.
Маҳмуд Аҳмадинежод 2017 йилнинг охирида Эронда бошланган норозилик намойишини уюштиришда муҳим роль ўйнади.
Эронда норозилик намойишлари 2017 йил 28 декабрда юзага келган эди. Ўшанда, Машҳад шаҳридаги кўчаларда бир гуруҳ фуқаролар томонидан ишсизлик, коррупция ва қиммат нархларга қарши норозилик намойишлари ўтказилган эди. Кўп ўтмай, норозилик намойишлари Теҳрон, Керманшаҳ, Сенендех, Зенжан, Шераз, Кум, Ахваз, Заҳедан, Арак, Хуррем Абод шаҳарларига тарқалиб, ҳукуматга қарши намойишларга айланди.
Ўшанда, камида 24 киши ҳалок бўлганлиги ва мингдан зиёд кишининг ҳибсга олинганлиги хақида хабар тарқалган эди. Эронда ҳукуматга қарши ҳаракатларни қўллаб-қувватлаш хақида АҚШ, Саудия Арабистони ва Исроил томонидан маълум қилинган эди.
АҚШ президенти Дональд Трамп, Эрон фуқароларининг порахўр ҳукуматга қарши бўлган позициясига ҳурмат билан муносабат билдиришини таъкидлаган эди.
Оқ уй раҳбари, намойишчиларга «вақти келганда» ёрдам беришни ваъда қилган эди.
Бунга жавобан, Эрон Вашингтонни ўз ички ишларига аралашишга уринаётганликда айблаб, БМТга шикоят билан мурожаат қилганди.
Uzbek