АҚШнинг Иллинойс штатида янги йил кунидан бошлаб 21 ёшдан катта одамлар қонуний равишда 30 граммгача марихуана гуллари, 5 грамм марихуана концентрати ёки 500 грамм ТHC моддаси қўшилган маҳсулотларни, лицензияланган тижорат дилерларидан сотиб олишлари мумкин.
Янги йил куни наша истеъмолчилари Чикагода кўплаб лицензияланган дўконларга тўпланишлари кутилмоқда. Шаҳарнинг шимолий томонида диллерлардан бири 1 январь куни дўкон очилганда навбатнинг бошида бўлишни истаган мижозларга 250 долларлик чипталарни сотди.
«Байрамга бутун ҳудуд қўшилмоқда. 1 январь куни Чикагода бутунлай янги дунё бўлади», дейди менежер Абигайл Воткинс.
Иллинойс катта ёшдагиларнинг оз миқдордаги марихунадан фойдаланиши қонуний бўлган АҚШдаги 11- штатга айланмоқда. Бу штатда тиббий марихуана 2014 йилдан бери қонуний ҳисобланади.
Шу йилнинг июнь ойида Иллинойс штатининг губернатори Ж.Б.Прицкер марихуана тўғрисидаги қонунга имзо чекканди. Аммо, барча ҳам бу қарорни маъқулламайди. Улардан бири Иллинойс оила институти ижрочи директори Девид Смитдир.
«Бугунги кунда марихуанани ўрганиш бўйича ўтказилган тадқиқотлар шундан далолат берадики, бу модда билан боғлиқ касалликлар ва гиёҳвандлик аломатлари кўпаймоқда», дейди Смит.
Uzbek