Хитойда яратилаётган яна бир коронавирус вакцинасининг хавфсизлиги исботланди

0
1227
Фото: Reuters

Хитойнинг Тиббий биология институти томонидан яратилаётган коронавирусга қарши вакцина клиник синовларнинг илк босқичидан муваффақиятли ўтиб, унинг хавфсиз эканлиги аниқланди. Бу ҳақда ушбу вакцинани ишлаб чиқаётган тадқиқотчилар жамоаси хабар берган.

Тиббий биология институтининг олимлари ўзларининг сешанба куни эълон қилинган хисоботларида айтишларича, мазкур вакцинанинг биринчи босқич синовларида 18 ёшдан 59 ёшгача бўлган 191 киши қатнашди ва уларнинг ҳеч бирида жиддий акс таъсирлар кузатилмади. Иштирокчилар вакцина қабул қилганларидан кейин ўзларида енгил толиқиш ва оғриқ ҳис қилишганини айтишган. Шунингдек, уларнинг вакцина юборилган жойлари қизарган ва у ерда қичиқ юзага келган.

“Ушбу синовдан олинган барча маълумотлар вакцинанинг хавфсизлигини кўрсатмоқда” дейилади олимларнинг хисоботида.

Хитой ҳукумати вирус юқтириб олиш хавфи юқори бўлган юз минглаб фуқароларини ёз ойларида синовларнинг барчасидан ўтиб улгурмаган вакциналар билан эмлади. Бу эса экспертларнинг вакцина хавфсизлиги борасидаги хавотирларига сабаб бўлди.

Бугунги кунга келиб Хитойда тажрибалардан ўтказилаётган тўртта вакцина клиник синовларнинг сўнгги босқичига етиб келган.

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг