Венгрия Бош вазири Европа Иттифоқининг Россияга нисбатан санкциялари бекор қилиниши кераклигини айтмоқда

0
458
Фото: REUTERS/Bernadett Szabo

Венгрия бош вазири Виктор Орбан ўзининг ҳукмрон Фидес партиясига Европа Иттифоқининг Россияга қарши санкциялари бекор қилиниши кераклигини айтди, дея хабар беради ҳукуматпараст Magyar Nemzet газетаси чоршанба куни кечқурун.

Ҳукумат матбуот котиби Золтан Ковач Reuters агентлигига электрон почта орқали юборган жавобида мазкур изоҳлар ҳақиқат эканлигини тасдиқлади.

Европа Иттифоқининг Москвага нисбатан Украинага бостириб кириши муносабати билан қўллаётган санкцияларини кескин танқид қилиб келаётган Орбан, бу ҳақда чоршанба куни кузги сиёсий мавсум олдидан ўз партияси аъзоларибилан ўтказилган ёпиқ мажлисда маълум қилди.

Magyar Nemzet манбага иқтибос келтирмай туриб, Орбаннинг сўзларидан иқтибос келтирган ҳолда, Европа Иттифоқи санкциялари газ нархининг ошиши ва инфляцияга олиб келганини ва бу чоралар бекор қилинса, газ нархи дарҳол 50% га тушиши ва инфляция ҳам пасайишини айтди.

Санкцияларсиз Европа тикланиши ва яқинлашиб келаётган рецессиядан қутилиб қолиши мумкин, дейилади ҳисоботда ва Орбаннинг сўзларига кўра, санкциялар Россиядан қараганда Европага кўпроқ зарар келтириши ҳақидаги аввалги позициясини яна бир карра тасдиқлаган.

Орбан ўзининг Facebook саҳифасида партия йиғилишидан туриб шундай деб ёзди:

“Брюссел санкциялари Европани энергетик инқирозга олиб келди”.

Орбан июль ойида Европа Иттифоқи Россияга нисбатан ўйламасдан туриб қўлланилган иқтисодий санкциялар билан “кўксига ўқ узганини” ва агар бу бекор қилинмаса, Европа иқтисодиётини йўқ қилиш хавфи борлигини айтди.

 

Манба

Матнда хатоликни кўрсангиз, уни белгилаб Ctrl+Enter ни босинг.

Фикр матни

Илтимос, изоҳингизни киритинг!
Илтимос, исмингизни бу ерга киритинг