Венесуела мухолифати якшанба куни Барбадосга сиёсий инқирозни бартараф этиш истагида Президент Николас Мадуро ҳукумати билан музокараларни давом эттириш учун қайтишини айтди, деб хабар беради Reuters агентлиги.
50 дан ошиқ давлат Венесуеланинг қонуний раҳбари сифатида эътироф этилган, мухолифат етакчиси Хуан Гуайдо Твиттерда, делегация «Венесуелаликларнинг азобларига чек қўядиган ўзгаришга эришиш учун» қайтаётганини ёзган.
Венесуела гиперинфляцион иқтисодий инқироздан азият чекмоқда, бу эса қониқарсиз овқатланиш, касалликлар ва 4 миллион фуқароларнинг мамлакатдан кўчиб кетишига сабаб бўлди.
Январь ойида Гуайдо Мадуронинг 2018 йилги қайта сайланишини фирибгарлик деб эълон қилган.
Мадуро, Гуайдони «Америка Қўшма Штатлари қўғирчоғи», деб атайди ва Президентни лавозимидан тушириш учун АҚШ санкцияларининг иқтисодий муаммоларидан фойдаланганликда айблайди.
Uzbek