Жорий йилнинг 21-декабр шанба куни Туркия парламенти Ливиянинг халқаро миқёсда тан олинган ҳукумати билан хавфсизлик ва ҳарбий ҳамкорлик бўйича битимни маъқуллади. Бу битим орқали Ливия ҳукумати Туркиядан ҳарбий ёрдам олиши мумкин бўлади.
Хозирда Туркия Файез ал-Серраж бошчилигидаги Ливия ҳукуматини қўллаб-қувватламоқда. ал-Серраж мамлакат шарқида жойлашган ва Россия қўллаб-қувватлайдиган Халифа Хафтар кучларига қарши бир неча ойдан бери курашиб келмоқда.БМТ мутахассислари берган ҳисоботга кўра, Анқара ўтган ойда БМТнинг қурол таъқиқини бузган ҳолда Ливияга ҳарбий ашёларни етказиб берган.
Россия Туркиянинг Ливияда қўшин жойлаштириши мумкинлигидан жуда хавотирда эканлигини ва Ливия-Туркия хавфсизлик битими Москва учун кўплаб саволларни туғдирганини айтди. Кремлнинг хабар қилишича, келгуси ой Туркияда бўлиб ўтадиган музокараларда Эрдоған ва Путин Ливия масаласини муҳокама қилади.
Uzbek