Истанбул (REUTERS) – Бирлашган Араб Амирликлари фойдасига жосусликда гумон қилиниб, Туркия томонидан қўлга олинган шахс қамоқхонада ўз жонига қасд қилди, дея хабар беради Истанбул прокуроратураси душанба куни.
Прокуратура баёнотида айтилишича, Истанбул ғарбидаги Силиври қамоқхонасида якшанба куни эрталаб овқат бергани келган соқчилар гумонланувчи Заки Й.М. Ҳасанни ўзининг бир хонали камерасининг ваннахонасида осилган ҳолда топишган.
Баёнотда айтилишича, у тонгги текширувда рўйҳатдан ўтказилган.
Тергов ишлари бошланган ва Истанбул суд-тиббиёт институти автопсия (жасадни ёриб кўриш. тарж) ўтказди, деб баёнотда қўшимча қилинади.
Осилган ҳолда топилган махбус халқаро, сиёсий ва ҳарбий жосусликда гумонланаётган икки гумондор шахсдан бири эди. Бу жуфтлик 19 апрель куни ҳибсга олинган ва Арабистон фойдасига жосуслик қилганликларини тан олишган, дейди юқори мартабали Туркия расмий вакили.
Терговчилар, маҳбуслардан бирининг Туркияга келиши, олти ой олдин ўлдирилган Саудия журналисти Жамол Қошиқчининг ўлдирилиши билан боғлиқми ёки йўқлигини текширмоқда.
Бирлашган Араб Амирликлари Саудия Арабистонининг яқин иттифоқдоши. Туркия билан икки Араб давлати ўртасидаги муносабатлар 2017 йилда кўрфаздаги қўшниси, Қатарни блокадаси бошлангач, Анқара эса Дохани қўллаб-қувватлаганидан кейин кескинлашган эди.
Саудия Арабистони ва Бирлашган Араб Амирликлари, улар қарши чиқаётган «Мусулмон Биродорлар» каби гуруҳларнинг тарафдори дея, Туркия Президенти Ражаб Тоййиб Эрдўғаннинг исломий бошқарувдаги АК Партиясини биладилар.
Туркия маҳбусларнинг миллатини аниқлай олмади, аммо Туркия Радио ва телевидения корпорациясининг араб хизматига кўра, ҳар иккала маҳбус фаластинлик бўлган ва ўзи билан Фаластин паспортини олиб юрган. Ҳасан 55 ёшли истеъфодаги генерал-майор ва катта разведка хизмати расмий вакили бўлган, дейди ТRТ ўзининг вебсайтида.
Саудиядаги «Ал-Арабия» телекомпаниясига берган интервmюсида ўзини Ҳасаннинг ўғли деб таништирган киши, отаси Туркияга иш қидириш учун кетганлигини ва оиласи 7апрель куни у билан алоқани йўқотганлигини айтди.
«Биз унга қарши сохта айбловлар билан уни тўсатдан ҳибсга олинганидан ҳайратга тушдик», деди ўғли Юсуф.
У Ҳасаннинг жасадини уйига юборилишини ва Фаластин Президенти Маҳмуд Аббосни ва дунё сиёсатчиларини отасининг ўлимининг сабабини текширишга чақирди.
«Мен махсус тиббий комиссия ташкил этилишини, шу жумладан ишончли фаластинлик шифокорни у ерга бориб отамнинг жасадини автопсия қилиб ҳақиқатни очишини хоҳлайман «, деди у.
Худди шу суҳбатда ўзини Ҳасаннинг синглиси деб таништирган аёл, акаси ўз жонига қасд қилмаган бўларди, деб айтди.
Қошиқчи, Вашингтон Пост журналисти ва Саудия подшоҳлиги меросхўр шахзодаси Муҳаммад бин Салмоннинг танқидчиси, 2 октабрт куни Саудия элчихонасида бир гуруҳ кишилар томонидан ўлдирилган эди ва халқаро миқёсда шов-шувни келтириб чиқарган эди.
Юқори мартабали Туркиялик расмий вакилнинг сўзларига кўра, икки гумонланувчи шахсларнинг биттаси Қошиқчи ўлдирилганидан бир неча кун ўтиб, иккинчиси эса кейинроқ ўз ҳамкасбига ёрдам бергани келган.
Марказий разведка бошқармаси ва баъзи Ғарб давлатлари, Саудия Арабистонининг норасмий бошқарувчиси дея кўриладиган Валиаҳд шаҳзодани қотилликга буюртма берганлиги хақида таъкидлаб келишади ва ўз навбатида Саудия расмийлари буни рад этиб келишади. Саудия жамоат прокурори 11 нафар номаълум шахсни жиноятни содир этганликда, жумладан, ўлим жазосига ҳукм қилиниши мумкин бўлган беш нафар шахсни айбдор деб топган эди.
Эрдоған Қўшма Штатларни Қошиқчининг ўлдирилиши бўйича терговга кўмаклашишга ва бу масалани Ар-Риёд билан алоқаси борлиги учун бир четга суриб қўймасликка чақирди.
Uzbek